१७ वर्षीया बालिकालाई बलात्कार गरेको आरोपमा पर्सा गाउँपालिका–३ नारायणपुरका ३२ वर्षीय रामपुकार यादवविरुद्ध जिल्ला प्रहरी कार्यालय मलङ्गवामा फागुन २८ गते पीडित बालिकाका बुबाले उजुरी दिएका छन् । पीडित बालिकालाई आरोपितले फागुन २१ गते बलात्कार गरेको भन्दै जिल्ला प्रहरी कार्यालय मलङ्गवामा उजुरी दिएको पीडितका बुबाले बताए । घटनापछि आरोपित यादव भारततर्फ गएकाले खोजी कार्य जारी रहेको जिल्ला प्रहरी कार्यालय मलङ्गवाका डिएसपी कैलास राईले जानकारी दिनु भयो । पीडित बालिकाको स्वास्थ्य परीक्षण फागुन २८ गते सर्लाही जिल्ला अस्पताल मलङ्गवामा गरिएको छ ।