११ वर्षीया बालिकालाई बलात्कार गरेको आरोपमा सुनकोशी गाउँपालिका-३ बस्ने १६ वर्षीय बालकलाई प्रहरीले ०७९ फागुन ३० गते गिरफ्तार गरेको छ । आरोपित बालकले फागुन २१ गते पीडित बालिकालाई सुनकोशी गाउँपालिका-३ स्थित बुर्लुङ जङ्गलमा घाँस काट्न गएको अवस्थामा बलात्कार गरेको पीडित पक्षको आरोप छ । पीडितकी आमाले फागुन २३ गते जिल्ला प्रहरी कार्यालयमा उजुरी दिएको जिल्ला प्रहरी कार्यालयका इन्स्पेक्टर हरिबोल के.सी.ले बताउनुभयो । पीडित बालिकाको स्वास्थ्य परीक्षण सोही दिन चौतारा अस्पतालमा भएको थियो ।