१६ वर्षीया बालिकालाई बलात्कार गरेको आरोपमा प्रहरीले गुल्मी जिल्ला धुर्कोट गाउँपालिका–६ रजस्थल स्थायी घरभई बुटवल उपमनपा–६ चाँदबारी बस्ने २७ वर्षीय बिष्णु नेपालीलाई चैत १३ गते गैडहवाबाट गिरफ्तार गरेको छ । पीडितलाई आरोपितले फागुन २७ गते बलात्कार गरेको भन्दै पीडितकी आमाले चैत १३ गते इलाका प्रहरी कार्यालय लुम्बिनीमा उजुरी दिनु भएको थियो । उजुरीका आधारमा कारबाही अगाडि बढाइएको इलाका प्रहरी कार्यालय लुम्बिनीका इन्स्पेक्टर गजेन्द्र रावलले बताउनु भयो । पीडितको स्वास्थ्य परीक्षण चैत १३ गते भीम अस्पताल भैरहवामा गरिएको छ ।