१६ वर्षीया बालिकालाई बलात्कार गरेको आरोपमा पीडित पक्षले शान्तिनगर गाउँपालिका–६ घर भइ शिवशक्ति माविका शिक्षक ३५ वर्षीय खुमानन्द पौडेलविरूद्ध चैत २१ गते इलाका प्रहरी कार्यालय तुलसीपुरमा उजुरी दिएका छन । पीडितलाई आरोपितले चैत २० गते बलात्कार गरेको भन्दै उजुरी दर्ता भएको इलाका प्रहरी कार्यालयका डिएसपी पुष्पराज मल्लले बताउनु भयो । छात्रावास हेरचाहकोसमेत जिम्मेवारी पाएका शिक्षकले एसइइ दिन छात्रावासमै बसेकी बालिकालाई बलात्कार गरेको पीडित पक्षले बताएका छन् । घटनालगत्तै आरोपित शिक्षक फरार भएको र खोजी भइरहेको इलाका प्रहरी कार्यालय तुलसीपुरका डिएसपी मल्लले जानकारी दिनुभयो । पीडितको स्वास्थ्य परीक्षण चैत २१ गते राप्ती प्रादेशिक अस्पताल तुलसीपुरमा गरिएको छ ।