१७ वर्षीया बालिकालाई बलात्कार गरेको आरोपमा प्रहरीले कञ्चन गाउँपालिका–३ का २३ वर्षीय सुमित आचार्यलाई चैत २० गते गिरफ्तार गरेको छ । पीडितलाई आरोपितले माघ १ गते बलात्कार गरेको भन्दै पीडितले आमाको सहयोगमा चैत २० गते इलाका प्रहरी कार्यालय सालझण्डीमा उजुरी दिएका थिए । आरोपितले बलात्कार पछि कसैलाई नभन्न धम्की दिएको पीडितले इन्सेक प्रतिनिधिसँगको कुराकानीमा बताउनु भयो । उजुरीका आधारमा गिरफ्तार गरी अनुसन्धान थालेको इलाका प्रहरी कार्यालय सालझण्डीका इन्स्पेक्टर इश्वर थापाले बताउनु भयो ।