लोकसेवा तयारी पुस्तकमा महिलाहरुबारे आपत्तिजनक शब्दसहितको प्रश्नोत्तर राखिएको भन्दै काठमाडौंको माइतीघर मण्डलामा विरोध प्रदर्शन गरिएको छ।

उनीहरूले पुस्तक जलाएर विरोध जनाएका थिए। प्रदर्शनमा महिला हिंसा बन्द गर, महिला अधिकारको रक्षा गर, लेखिएको प्ले कार्ड बोकिएको थियो। विद्या विकास पब्लिकेसन्स कलंकीले प्रकाशित गरेको ‘गेमस्काउट, वन रक्षक, सफलताको साथी’ उक्त पुस्तकको पेज नम्बर १४३ मा महिलाहरुबारे आपत्तिजनक शब्दसहित प्रश्नोत्तर राखिएकाे विरोध प्रदर्शन गरिएको प्रदर्शनमा सहभागी एक विद्यार्थीले बताए।