१२ वर्षीया बालिकालाई यौन दुर्व्यवहार गरेको आरोपमा प्रहरीले ५० वर्षीय बाबुलाई साउन २८ गते भैरहवाबाट गिरफ्तार गरेको छ । पीडित बालिकालाई आरोपितले साउन २४ गते यौन दुर्व्यवहार गरेको भनी पीडित बालिकाले आमाको सहयोगमा साउन २८ गते जिल्ला प्रहरी कार्यालय रुपन्देहीमा उजुरी दिएको बताइन् ।

पीडितले दिएको उजुरीका आधारमा कारवाही अगाडि बढाएको र घटनाका विषयमा थप अनुसन्धान भइरहेको जिल्ला प्रहरी कार्यालय रुपन्देहीका डिएसपी श्यामु अर्यालले बताउनु भयो । पीडित बालिकाको स्वास्थ्य परीक्षण साउन २८ गते भिम अस्पताल भैरहवामा गरिएकोे अस्पतालले जनायो ।