बन्दका क्रममा गाडी तोडफोड गर्ने ३० दलीय मोर्चाका तीन जना कार्यकर्तालाई इलामको देउमाई नगरपालिकाबाट प्रहरीले पुस २७ गते गिरफ्तार गरेको छ । बन्दका क्रममा मे २ ख २०२० नम्बरको गाडीमा तोडफोड गरेको भन्दै इलाका प्रहरी कार्यालय मंगलबारेको प्रहरी गस्ती टोलीले देउमाई नगरपालिका-४ का सङ्घीय लिम्बूवान पार्टी नेपालका सोम बेघा, पूर्णचन्द्र लिम्वू र जेन्टल लिम्वूलाई गिरफ्तार गरेको इन्स्पेक्टर लालध्वज सुवेदीले बताए । एकीकृत नेकपा माओवादीसहित ३० दलीय मोर्चाले सहमतिबाट संविधान र पहिचान सहितको सङ्घीयताको प्रमुख माग राख्दै पूर्वका नौ जिल्लामा पुस २७ गते बन्दको आह्वान गरेको थियो । कोकिला ढकाल