सिन्धुपाल्चोकको ठोकर्पामा ज्वाईंको कुटाईबाट सासुको मृत्यु भएको छ भने श्रीमती घाईते भएकी छिन् । घरायसी विवादका कारण ठोकर्पा–२ का ३३ वर्षीय राजकुमार खत्रीले गए राति ४५ वर्षीया सासु सिता पहरी तथा २५ वर्षीया श्रीमती सुशिला खत्रीलाई कुटपिट गरेका थिए । कुटपिटका क्रममा दुबै जना घाईते भएपछि प्राथमिक स्वास्थ्य केन्द्र ठोकर्पा लगिएकोमा उपचारको क्रममा खत्रीका सासु सिता पहरीको आज मृत्यु भएको जिल्ला प्रहरी कार्यलय सिन्धुपाल्चोकले जनाएको छ । खत्रीका श्रीमती सुशिला खत्री भने सामान्य उपचारपश्चात् घर फर्किएका छन् । कुटपिटमा संलग्न राजकुमार खत्रीलाई प्रहरीले नियन्त्रणमा लिएको छ ।