बेल्हा गाविस-२ की ४७ वर्षीया चन्दन देवी साहलाई असोज १० गते कथित बोक्सीको आरोपमा कुटपिट गरेको आरोपमा धरौटीमा रिहा भएका बेल्हा गाविस-३ का ५० वर्षीय भुटकुन साह र सोही गाविस- ५ का ४५ वर्षीय तपेश्वर मुखियालाई जनही पाच हजार जरिवाना गर्न जिल्ला अदालतले माघ २५ गते आदेश गरेको छ । बेल्हा गाविस -५ का तपेश्वर मुखियाको १४ वर्षीय छोरा राजु मुखियालाई असोज १० गते सर्पले टोकेर उपचारको क्रममा मृत्यु भए पछि चन्दन देवीले नै बोक्सी लगाएर सर्पलाई टोक्न लगाएको भन्दै २ सय जति गाउँलेहरूले पीडितको घर घेरा हाली हातपात गरेका थिए । घटनाका आरोपितहरू बेल्हा गाविस-३ का ५० वर्षीय भुटकुन साह र बेल्हा गाविस-५ का ४५ वर्षीय तपेश्वर मुखियालाई असोज २२ गते गिरफ्तार गरिएकोमा आरोपितहरू असोज २७ गते जनही १० हजार धरौटीमा रिहा भएका थिए । दुर्गा परियार