राधापुर गाविस-४ छोटीचन्दनपुरकी ५६ वर्षीया कौशीला थापा मगरले आफूलाई छोरा २५ वर्षीय जीवन थापा र ३२ वर्षीय बिक्रम थापाले माघ २८ गते कुटपिट तथा गाली गालौज गरेको भन्दै फागुन १ गते जिल्ला प्रहरी कार्यालयमा उजुरी दर्ता गराएकी छन् । ब्रिटिस आर्मीमा रहेका आफ्ना पतिको मृत्युपछि पेन्सन आफूले बुझ्दै आएकोमा छोराहरूले पेन्सन आफूहरुलाई नदिएको भनी गालीगलौज र कुटपिट गरेकाले प्रहरीमा निवेदन दिएको पीडित महिलाले बताइन् । घटनाका आरोपितहरूलाई गिरफ्तार गर्न मातहत कार्यालयलाई पत्राचार गरिएको जिल्ला प्रहरी कार्यालय, बाँकेले जनायो । विनोद पाण्डे