एक १४ वर्षीया बालिका र एक १९ वर्षीया महिलालाई बलात्कार गरेको आरोपमा सखिपुर गाविस-६ का २९ वर्षीय राम गणेश महतो र सोही गाविस-८ का २५ वर्षीय राम सागर यादवविरुद्ध पीडितहरूले जिल्ला प्रहरी कार्यालय सिरहामा फागुन ८ गते उजुरी हालेका छन् । फागुन ७ गते बेलुका खेतमा दिसा गर्न गएकी दुवै जनालाई आरोपितहरूले बलात्कार गरी फरार भएका थिए । पीडितहरूको स्वास्थ्य जाँच जिल्ला अस्पताल सिरहामा फागुन ८ गते भएको थियो । जिल्ला प्रहरी कार्यालय सिरहाका इन्सपेक्टर राजकुमार शाहीका अनुसार आरोपितहरू फरार रहेकाले खोजतलास भैरहेको बताए । दुर्गा परियार