साया गाविस स्थित इलाका स्वास्थ्य चौकीमा स्वास्थ्यकर्मी र औषधी नहुँदा एक जनाको विरामी समयमा उपचार नपाएर मृत्यु भएको छ । साया गाविस-८ का ५९ वर्षीय सिङग शाहीको समयमा उपचार नहुँदा फागुन ९ गते राती मृत्यु भएको हो । जिल्ला स्वास्थ्य कार्यालयले पर्याप्त मात्रामा इलाका स्वास्थ्य चौकीमा औषधी नपठाउँदा र इलाका स्वास्थ्य इञ्चार्ज नहुँदा उपचार नपाएर शाहीको मृत्यु भएको सायाँ गाविसका रतन सिंहले बताए । गाविसमा सातदिन देखि रुघाखोकी फैलिएको छ । रुघाखोकीका कारण साया गाविसमा स्थानीय राजकला शाही र रमिति शाहीलगायत सिकिस्त विरामी भएको स्थानीय रतन सिंहले बताए । जिल्ला स्वास्थ्य कार्यालयमा नै औषधी र डाक्टरबिहीन रहेको साया इलाका स्वास्थ्य चौकीका ग्रामीण स्वास्थ्य कार्यकर्ता धर्म बहादुर शाहीले बताए । उनले इलाका स्वास्थ्य कार्यालयमा औषधी र स्वास्थ्यकर्मी नहुँदा बिरामीले सास्ती व्यहोर्नु परेको बताए । सुरेश परियार