उदयपुरमा एक महिला श्रीमानले मुक्का हान्दा घाइते हुनुभएको छ । देशभर महिला हिंसा विरुद्धका विभिन्न कार्यक्रम चलिरहेकै बेला त्रियुगा–८ बगाहाकी ३० वर्षकी सरला राई भने श्रीमानबाटै पीडित हुनुभएको छ । गएको आइतबार ३१ वर्षका श्रीमान लालबहादुर राईले मुक्का हान्दा सरलाको आँखा नजिक गहिरो चोट लागेको छ । अनावश्यक कुरामा शंका गरेर श्रीमानले आफूलाई कुटपिट गरेको भन्दै सरलाले मंगलबार जिल्ला प्रहरी कार्यालयमा उजुरी दिनुभएको छ । श्रीमानको कुटाइबाट घाइते भएकी सरलाको जिल्ला अस्पताल बोक्सेमा उपचार भैरहेको छ ।