नातिनीमाथि बलात्कार गरेको आरोपमा पक्राउ गरिएका एक व्यक्तिलाई अदालतले ११ वर्ष कैद सजाय सुनाएको छ। सुनखानी–२ का ८२ वर्षीय पुरुषविरुद्ध दोलखा जिल्ला अदालतले सोमबार त्यस्तो फैसला गरेको हो। न्यायाधीश ठाकुरप्रसाद शर्माको इजलासले कैद सजायसँगै पीडित बालिकालाई ५० हजार रुपैयाँ क्षतिपूर्ति दिलाउन आदेश दिएको जिल्ला अदालतका से्रस्तेदार ध्रुवराज कार्कीले जानकारी दिए। ती व्यक्तिले १० वर्षीया नातिनीलाई २० रुपैयाँ र अर्की ४ वर्षीया नातिनीलाई बिस्कुट दिएर फकाउँदै कोठामा लगी बलात्कार गरेको अदालती बयानमा खुलेको छ। उनले बलात्कारपछि घटना लुकाउन नातिनीलाई धम्की तथा मानसिक त्रास दिँदै आएको प्रहरीले जनाएको छ।