बरही वीरपुर गाविस–४ की ७२ वर्षीया बृद्धा राजमतीदेवी यादवलाई देवरहरु ५५ वर्षीय बिद्यानन्द राय, ५० वर्षीय शिवनन्द राय, ४० वर्षीय कामानन्द राय र बिद्यानन्दका छोरा चन्दनकुमार रायले कुटपिट गरी चैत १९ गते हत्या गरेका छन् । आरोपितहरुले लाठी र फलामको रडले गरेको प्रहारबाट घाइते पीडितको उपचारका लागि धरान लैजाँदै गर्दा बाटोमा मृत्यु भएको मृतकका छोरा बेचन रायले बताए । कुटपिटबाट मृतककी बुहारी ३८ वर्षीया बिनादेवी राय, नातीनीहरु १७ वर्षीया पुष्पाकुमारी राय र १३ वर्षीया मुनाकुमारी राय घाइते भएकी छन् । घाइतेहरुको राजविराजस्थित अञ्चल अस्पतालमा उपचार भइरहेको छ । मृतकका छोरा बेचन रायले आरोपितहरुविरुद्ध जिल्ला प्रहरी कार्यालयमा चैत १९ गते उजुरी दिएका छन् । आरोपितहरु फेला परेका छैनन् । मनोहरकुमार पोखरेल