मधेशलाई छुट्टै राज्य बनाउने अभियानमा सकृय सीके राउतलाई ०७१ चैत २१ गते दिउँसो राजगढबाट प्रहरीले गिरफ्तार गरेको छ । राज्यद्रोहको अभियोगमा मुद्दा खेप्दै आएका राउतलाई कार्यक्रमस्थलबाटै तीनबजे प्रहरीले नियन्त्रणमा लिएको हो । सीके राउतले सम्बोधन गर्ने योजनाका साथ दक्षिणी झापाको राजगढमा बृहत आमसभा आयोजना गरिएको थियो । प्रशासनले आमसभा गर्न नदिन शुक्रबारदेखि त्यो क्षेत्रमा सयौँको सङ्ख्यामा प्रहरी परिचालन गरेको थियो । । प्रशासनले ठूलो सङ्ख्यामा प्रहरी परिचालन गरेको थाहापाएपछि राउत नआउने हल्ला फैलाइए पनि अपरान्हपछि आएका राउतलाई कार्यक्रमस्थलबाटै प्रहरीले गिरफ्तार गरेको थियो । राउतलाई नियन्त्रणमा लिने क्रममा प्रहरीले गरेको लाठी चार्जबाट राउत समर्थक केही कार्यकर्ता समेत घाइते भएको बताइएको छ । राउतलाइ जिल्ला प्रहरी कार्यालय झापामा राखेर अनुसन्धान भइरहको जिल्ला प्रहरी कार्यालय झापाले जनाएको छ । अर्जुन बस्नेत