७० वर्षकी बृद्धालाई बलात्कार गरेको अभियोगमा गोरखा ताकुकोटका एक युवक पक्राउ परेका छन् । प्रहरीले ताकुकोट ८ घर भै हाल श्रीनाथकोट गाविस भालुस्वाँरा बजारमा बस्दै आएका ३२ वर्षका मंगलबहादुर बरामलाई पक्राउ गरेको हो । शुक्रबार राति घरमा एक्लै भएकी बृद्धालाई बलात्कार गरेको जाहेरीका आधार बरामलाई पक्राउ गरिएको प्रहरी निरीक्षक दिपक श्रेष्ठले जानकारी दिनुभयो । प्रहरीका अनुसार शनिबार पक्राउ परेका बरामलाई आइतबार जिल्ला अदालतबाट १० दिनको म्याद थप गरि अनुसन्धान भैरहेको छ ।