बलात्कार गरेको आरोपमा एक युवकलाई ०७२ वैशाख ८ गते प्रहरीले गिरफ्तार गरेको छ । फापरवारी गाविस–७ का ३५ वर्षीय विक्रम राईलाई २५ वर्षींया एक युवतीलाई बलात्कार गरेको आरोपमा प्रहरीले पक्राउ गरेको हो । जंगलमा घाँस काट्न गएको अवस्थामा राईले युवतीलाई जवरजस्ती करणी गरेका थिए । युवतीले घरमा आएपछि अभिभावकहरूलाई घटना सुनाएपछि आफन्त र छिमेकीले राईलाई समातेर इप्रका फापरवारीका प्रहरीलाई ०७२ वैशाख ८ गते बुझाएका थिए । प्रहरीले राईलाई जबरजस्ती करणीको मुद्दा अदालतमा दायर गरेर थप अनुसन्धानका लागि म्याद थप गरेको छ । युवकले प्रहरी समक्ष सहमतीमा नै यौनसम्पर्क गरेको बयान दिएका छन् । पीडितले इप्रका फापरवारीमा ०७२ वैशाख ८ गते पीडकलाई कारवाहीको माग गर्दै उजुरी दिएकी थिइन् । उनको स्वास्थ्य परीक्षण हेटौडा अस्पतालमा ०७२ वैशाख ९ गते गरेकी थिइन् । प्रताप विष्ट