युवतीलाई बन्धक बनाई जबरजस्ती करणी गरेको आरोपमा तेह्रथुमको जिरिखिम्ती-२ का ३३ वर्षीय नेत्र सोदेम्वालाई प्रहरीले पक्राउ गरेको छ । सोदेम्वाले खाजा खुवाउने बहानामा म्याङलुङकी १९ वर्षीया युवतीलाई फकाएर करणी गरेको प्रहरीले जनाएको छ । सोदेम्वाले धनकुटा सदरमुकामको एक होटलमा पुर्‍याएर जबरजस्ती गरेका थिए । पीडित युवतीले एसएमएस मार्फत सोदेम्वाले आफूलाई बन्धक बनाएको जानकारी आफन्तलाई दिएपछि प्रहरीले पक्राउ गर्न सफल भएको हो । प्रहरीले बिहीबार म्याद थपेर सोदेम्वा माथि अनुसन्धान गरिरहेको जनाएको छ ।