जग्गा विवादमा विपक्षीलाई फसाउन आफ्नै छोरीलाई हत्या गर्न खोज्ने बुबा र बाजेलाइ प्रहरीले पक्राउ गरेको छ । हरैया गाबिस ६ बड्का नवतन टोल निवासी राजेश्वर यादव र शिवराज राउत अहिरलाई पक्राउ गरिएको इलाका प्रहरी सिहोर्वाका इञ्चार्ज प्रहरी हवलदार प्रमेस्वर रायले बताउनुभयो । सोहि वडा निवासी शङ्कर रायसँगको जग्गा विवादमा छ वर्षीया छोरी शोनी कुमारीको घाँटी थिचेर हत्याको प्रयास गरिएकोले उहाँका बुबा र बाजेलाई समातेर आवश्यक कारवाहीका लागि ईलाका प्रहरी कार्यालय कोल्हबीमा पठाइएको बारा प्रहरीले जनाएको छ । घाइते शोनिको उपचार जिल्ला अस्पताल कलैयामा भइरहेको छ ।