सात वर्षीया एक बालिकालाई बलात्कार गरेको आरोपमा ताहुँ गाविस-३ ताहुँबजारका २३ वर्षीय खेमराज सुनारलाई ०७२ साउन २६ गते प्रहरीले गिरफ्तार गरी अनुसन्धान गरेको छ । बालिकालाई साउन २५ गते दिउँसो बालिकाको घर नजिकै बलात्कार गरेको भन्दै पीडित पक्षले साउन २६ गते प्रहरी चौकी ताहुँमा जाहेरी दिएका थिए । जाहेरीका आधारमा प्रहरीले आरोपितलाई सोही दिन साँझ गिरफ्तार गरी जिल्ला अदालतबाट म्याद थप गरी अनुसन्धानका लागि साउन २७ गते जिल्ला प्रहरी कार्यालयमा ल्याइएको सई मोतीबहादुर खड्काले बताए । पीडित बालिकाको साउन २६ गते जिल्ला अस्पतालमा स्वास्थ्य परीक्षण भयो । यज्ञमूर्ति तिमिल्सिना