नेपालगंज-कोहलपुर सडक खण्डको गनापुरको पिप्रहवा चोकमा बन्दकर्ताले गुडिरहेको भे.५.प ४२५० नम्बरको मोटरसाईकलमाथि ढुंगा प्रहार गर्दा मोटरसाईकलका चालक नौवस्ता-२ का २२ वर्षीय परम सिंहको मृत्यु भएको छ । उनको छातिमा ढुंगा लागेको प्रहरीले जनाएको छ । प्रहरीका अनुसार उपचारका लागि कोहलपुर अस्पताल तर्फ लग्दै गर्दा बाटोमा उनको मृत्यु भएको हो । प्रहरी उपरीक्षक वसन्त पन्तले मोटरसाईकलमा पछाडि सवार बिनोद शाही गम्भीर घाइते भएको बताए । अर्को मोटरसाईकलमा ढुंगा हान्दै गरेका मधेसी मोर्चाका २ जना कार्यकर्तालाई प्रहरीले पक्राउ गरेको छ ।