लगनखेलस्थित पाटन अस्पतालमा नेपाल प्रहरीका असई विजय सिल्वालले अस्पतालका डाक्टरद्वय विमल पाण्डे र सञ्चित कार्कीमाथि भदौ २४ गते कुटपीट गरेको भन्दै चिकित्सक आन्दोलित भएका छन् । सिलवालका आफन्त अस्पतालमा जण्डिस भएर उपचारार्थ रहेको र उनले रिफर गर्न आग्रह गरेपछि अस्पतालले डिस्चार्ज गरेको भन्दै कुटपिट गरेको अस्पतालले जनाएको छ । प्रहरी बर्दीमा रहेका सिल्वालले बर्दी फूकालेर कुटपीट गरेको अस्पतालले जनाएको छ । गोदावरी घर भएका असई विजय सिल्वाल वालुवाटार सामुदायिक प्रहरीमा कार्यरत रहेको जनाइएको छ ।