सिराहाको मिर्चैयामा अवरुद्ध राजमार्ग खुलाउने क्रममा प्रदर्शनकारीले प्रहरीमा गोली हानेका छन् । गोली लागेर सशस्त्र प्रहरीका जवान घाइते भएका छन् । सशस्त्र प्रहरी गण दन्तथकालीका जवान विपिन राईलाई गोली लागेको छ । दाहिने पाखुरामा गोली लागेको उनको स्थानीय क्लिनिकमा उपचार ग।रिएको छ । बन्दकर्ताले रुख ढालेर राजमार्ग अवरुद्ध पारेपछि खुलाउन प्रहरी गएको थियो । तर, लुकेर बसेको समूहले प्रहरीमाथि गोली चलाएको प्रमुख जिल्ला अधिकारी डा. मानबहादुर विकेले जानकारी दिएका छन् । उनका अनुसार प्रहरीलाई लक्षित गरी दुई राउण्ड फायर गरेका थिए । घटनामा प्रहरीले चार राउण्ड फायर गरेको छ ।