१६ वर्षीया एक बालिकालाई बलात्कार गरेको आरोपमा जिरी नगरपालिका-२ का २७ वर्षीय प्रकाश खड्काविरुद्ध पीडित परिवारले जिल्ला प्रहरी कार्यालय चरिकोटमा भदौ २८ गते उजुरी दिएको छ । बोल्न नसक्ने सुस्तमनस्थितिकी ती बालिकालाई भदौ २६ गते घर नजिकै जङ्गलमा बलात्कार गरी आरोपित फरार भएको पीडित परिवारले जनाएको छ । बालिकाको भदौ २८ गते प्राथमिक स्वास्थ्य केन्द्र चरिकोटमा स्वास्थ्य परीक्षण गरिएको छ । आरोपित फरार रहेकोले खोजी भइरहेको जिल्ला प्रहरी कार्यालय चरिकोटका असई राम राउतले बताए ।