रुपन्देहीको भैरहवाबाट प्रहरीले मधेसी मोर्चामा आबद्ध दलका चार नेताहरुलाई पक्राउ गरेको छ । तराई मधेस लोकतान्त्रिक पार्टीका अजय बर्मा, तराई मधेस सदभावनाका श्रीनिवास यादव लगायतलाई प्रहरीले बुधबार बिहान भैरहवाको मिलनचोकबाट प्रहरीले पक्राउ गरेको हो । मंगलबार राति बेथरी घटनाको विरोधमा बुधबार भैरहवा बजार बन्द गराउँदै हिँड्दा प्रहरीले नियन्त्रणमा लिएको हो । बेथरीमा प्रहरीले चलाएको गोली लागेर ४ वषर्ीय बालकसहित ४ जनाको मृत्यु भएको थियो । स्थानीय प्रशासनले बेथरी वरपरका क्षेत्रमा शुक्रबार बिहान १० बजेसम्मका लागि कर्फ्यू लगाएको छ ।