दुहवीभलुवा नगरपालिका कार्यालयमा असोज ४ गते मध्यराति अज्ञात व्यक्तिको समूहले आगजनी गर्दा बैठक कोठामा रहेका चार ओटा कुर्सी, एउटा टेबल र सात ओटा पङ्खामा नष्ट भएको इलाका प्रहरी कार्यालय दुहवीका इन्स्पेक्टर वेद गौतमले बताए । मध्यराति बैठक कोठाको झ्यालबाट आगो लगाइएको उनले जानकारी दिए । प्रहरी र इटहरी उपमहानगरपालिकाको बारुणयन्त्रले समयमै आगो नियन्त्रणमा लिएपछि धेरै क्षति हुन नपाएको प्रहरीले जनाएको छ । आगजनीको कारण र समूहबारे अहिलेसम्म कसैले जिम्मा लिएको छैन ।