२२ वर्षीया एक महिलालाई असोज ६ गते बलात्कार गरेको आरोपमा बागलुङ नपा-३ गुठीका ४६ वर्षीय डम्बरबहादुर खत्रीलाई सोही दिन जिल्ला प्रहरी कार्यालयले गिरफ्तार गरेको छ । कोठामा बसिरहेकी पीडित महिलालाई आरोपितले ०७२ असोज ६ गते दिउँसो घरभाडा माग्ने बाहनामा कोठाभित्र प्रवेश गरी बलात्कार गरेको भन्दै पीडितले घटनालगत्तै सोही दिन जिल्ला प्रहरी कार्यालयमा उजुरी दिएकी थिइन् । आरोपितलाई असोज ७ गते जिल्ला सरकारी वकिलको कार्यालयमार्फत ५ दिनको म्याद थप गरेर हिरासतमा राखी अनुसन्धान अगाडि बढाइएको जिल्ला प्रहरी कार्यालयका इन्सपेक्टर अरुणकुमार भण्डारीले बताए । पीडित महिला र आरोपित दुवैको असोज ६ गते धौलागिरी अञ्चल अस्पतालमा स्वास्थ्य परीक्षण गरिएको प्रहरीले जनायो । सिर्जना पन्त