रौतहटको मुडवलवा गाविसमा पहिचान खुल्न नसकेको एक महिलाको हत्या गरी फालिएको अवस्थामा शव फेला परेको छ । स्थानीय मुडवलवा गाविस-२ स्थित सुरेन्द्र यादवको लिची बगैँचामा अन्दाजी २५ वर्षीया महिलाको शव १२ गते बिहान स्थानीय व्यक्तिले देखेर प्रहरीलाई खबर गरेका थिए । महिलाले लगाएको पेटिकोटले घाँटी थिचेर हत्या गरी अर्धनग्न अवस्थामा फालिएको अवस्थामा शव फेला परेको जिल्ला प्रहरी कार्यालय रौतहटले जनाएको छ । जबरजस्ती करणी गरी हत्या गरको हुन सक्ने प्रहरीको प्रारम्भिक अनुमान रहेको छ । मृतको साथमा पर्स फेला परे पनि पहिचान खुल्न सक्ने कुनै वस्तु फेला नपरेको प्रहरीले जनायो । शव पोष्टमार्टमका लागि जिल्ला अस्पताल गौरमा राखिएको छ । बिपिन गौतम