DM Chamling Rai १८ वर्षीया एक सुस्तमनस्थितिकी युवतीलाई कात्तिक १५ गते बलात्कार गरेको आरोपमा प्रहरीले हौचुर गाविस-४ का २० वर्षीय शेखर नेपाललाई कात्तिक १६ गते साँझ गिरफ्तार गरेको छ । घटनाको भोलिपल्टै जिल्ला प्रहरी कार्यालय दिक्तेलमा परेको पीडित पक्षले दिएको उजुरीका आधारमा आरोपितलाई तत्कालै गिरफ्तार गर्न सफल भएको जिल्ला प्रहरी कार्यालय, दिक्तेलका डिएसपी विद्यानन्द माझीले बताए । गिरफ्तार गरिएका आरोपितलाई हिरासतमा राखेर अनुसन्धान थालिएको छ । आरोपितविरुद्ध जबरजस्ती करणी महल अर्न्तर्गत मुद्दा चलाइने प्रहरीले बताएको छ । पीडित युवतीको जिल्ला अस्पताल दिक्तेलमा कात्तिक १६ गते स्वास्थ्य परीक्षण गरिएको छ । डिएम चाम्लिङ राई