सन्धिखर्क नपा-२ की २४ वर्षीया सम्झना खड्कालाई पति २८ वर्षीय वावु खडकाले कात्तिक १७ गते कुटपिट गरी घाइते बनाएका छन् । घरायसी विवादका क्रममा पतिले ढुङ्गा प्रहार गर्दा पीडित भएपछि स्थानीयको सहयोगमा जिल्ला अस्पताल लगिएको थियो । पीडितका आफन्तले आरोपितविरुद्ध कात्तिक १७ गते नै जिल्ला प्रहरी कार्यालयमा उजुरी दिएका छन् । पीडित सम्झनाको शरीरका विभिन्न भागमा गम्भीर चोट लागेकोले जिल्ला अस्पतालमा प्राथमिक उपचारपछि स्थिति जटिल भएको भन्दै थप उपचारका लागि काठमाडौं रिफर गरिएको जिल्ला प्रहरी कार्यालयले जनाएको छ । घटनापछि आरोपित पति फरार रहेको र उनको खोजी कार्य भइरहेको जिल्ला प्रहरी कार्यालयका इन्सपेक्टर युवराज तिमिल्सिनाले बताए ।