Manohar Kumar Pokharel १८ वर्षीया बालिकालाई बलात्कार गरेको आरोपमा फुलकाही गाविस-१ प्रितमपुरका २० वर्षीय दीपेन्द्रकुमार यादवलाई प्रहरीले पुस ८ गते गिरफ्तार गरेको छ । पीडितले जिल्ला प्रहरी कार्यालयमा पुस ७ गते दिएको उजुरीका आधारमा प्रहरीले अनुसन्धानका लागि आरोपितलाई गिरफ्तार गरेको हो । दिदी-भिनाजुको घरमा बसकी पीडितलाई आरोपितले मङ्सिर २७ गते फुलकाही गाविस-१ प्रितमपुरस्थित रामविलास यादवको दालबारीमा पुर्‍याई बलात्कार गरेको पीडितले आरोप लगाएकी छन् । घटनालगत्तै पीडितले इलाका प्रहरी कार्यालय बोदेबर्सामा उजुरी गरेकोमा प्रहरीले आवश्यक कानुनी कारबाही प्रकृया अगाडि नबढाएपछि परिवारका सदस्यका साथ पीडित पुस ७ गते जिल्ला प्रहरी कार्यालय आएको बताइन् । पीडितको स्वास्थ्य परीक्षण हुन सकेको छैन् । मनोहरकुमार पोखरेल