पेप्सीकोला साईराम चोकबाट पेट्रोल र डिजल कालोबजारी गर्ने दुई जनालाई प्रहरीले पक्राउ गरेको छ। बा.३ ख ८०६९ नम्बरको ट्रिपरका मालिक सिन्धुपाल्चोकका ३३ वर्षीय नारायण दंगाल र सहचालक राजकुमार खत्रीलाई पेट्रोल र डिजलसहित प्रहरीले पक्राउ गरेको हो। उक्त ट्रिपरमा २६ वटा ड्रममा करीव ६ हजार लिटर डिजल र १५ वटा ड्रममा २ सय ७५ लिटर पेट्रोल काँकडभिट्टाबाट ल्याई राखेको अवस्थामा डिजेल र पेट्रोलसहित उनीहरुलाई प्रहरीले नियन्त्रणमा लिएको हो । ट्रिपर चालक फरार रहेकोले खोजी भइरहेको प्रहरीले जनाएको छ।