मादकपदार्थ सेवन गरी श्रीमती कुट्नेलाई प्रहरीले पक्राउ गरेको छ । दुई साताअघि श्रीमान्को कुटाइबाट गम्भीर घाइते महिलाले दिएको किटानी जाहेरीका आधारमा उनीहरू पक्राउ परेका हुन् । षडानन्द नगरपालिका ७ दिङ्लाका पदमबहादुर तामाङले श्रीमती पवित्रालाई कुटेर घाइते बनाएका थिए । भाउजूलाई कुट्न सघाएकामा इन्द्रबहादुर तामाङलाई पनि प्रहरीले नियन्त्रणमा लिएको छ । कुटाइबाट गम्भीर घाइते पवित्राको धरानस्थित बीपी स्वास्थ्य प्रतिष्ठानमा उपचार भइरहेको छ ।