सिरहा नगरपालिका ६ मा एक महिलाले आफ्नी सासुलाई हत्या गरेकी छन् । सिरहा ६ की ३० बर्षीया रुन्चीदेवी दासले आफ्नी ५५ बर्षीया सासु कुमैरदेवी दासको हत्या गरेको स्थानीय रामसोभित दासले बताए । कुमैरदेवीको शव आइतवार बेलुका सिरहा ६ स्थित डोमा सदा यादवको गहुँ खेतमा बरामद भएको जिल्ला प्रहरी कार्यालय सिरहाले जनाएको छ । मृतक कुमैरदेवीको घाटीलगायत शरीरको बिभिन्न भागमा निलडाम देखिएको जिल्ला प्रहरी कार्यालयका प्रवक्ता तथा प्रहरी नायब उपरीक्षक एकनारायण कोइरालाले बताए । पारिवारिक कारणले हत्या भएको प्रहरीले जनाएको छ ।