सुनसेरा गाविस-४ घर भई हाल अपि नपा-११ बस्ने २२ वर्षीया साबित्री खातीलाई पति ३२ वर्षीय धनसिंह खातीले कुटपिट गरी यातना दिने गरेको भन्दै चैत ७ गते जिल्ला प्रहरी कार्यालय, धनगढीमा उजुरी दिएकी छन् । पीडित खातीले पतिविरुद्ध निवेदन दिएर माइतीघर बैतडी जिल्ला कोटपेटरा गाविस-७ सीमार मा बसिरहेकी छन् । पटक पटक पतिले आफूलाई घर छोड्न दबाब दिने तथा मदिरा सेवन गरी कुटपिट गर्ने गरेको पीडितले उजुरीमा उल्लेख गरेकी छन् । प्रहरीले उजुरीको आधारमा धनसिंहलार्इ जिल्ला प्रहरी कार्यालय, दार्चुलामा ल्याएर सोधपुछ गरेको छ । पीडित माइतीघरबाट नआएको कारण उजुरीबारे के गर्ने भन्ने बारेमा ढिलाई भएको जिल्ला प्रहरी कार्यालय महिला तथा बालबालिका सेवा केन्द्रकी प्रहरी जवान नन्दा गहतराजले जानकारी दिइन् । गहतराजका अनुसार पीडितको कानबाट जबरजस्ती सुन निकाल्दा कान सुन्निएको छ ।