बैसीबिचवा गाविस-७ भीमबस्तीकी ३३ वर्षीया जानकी जोशीको शरीरमा आगो लगाएको आरोपमा ३५ वर्षीय नरेन्द्र जोशीलाई इलाका प्रहरी कार्यालय त्रिभुवनवस्तीले चैत १५ गते गिरफ्तार गरेको छ । नरेन्द्र जोशीले मदिरा सेवन गरी चैत १० गते राती सामान्य विवाद हुँदा शरीरमा आगो लगाएको भन्दै जानकीले प्रहरीमा उजुरी दिएपछि नरेन्द्रलाई गिरफ्तार गरेको जिल्ला प्रहरी कार्यालयका प्रवक्ता डिएसपी केदार खनालले बताए । आगोले पोलेर घाइते भएकी जानकीको सेती अञ्चल अस्पताल धनगढीमा उपचार भइरहेको छ ।