Durga Pariyar सोठियाइन गाविस-१ कि ३१ वर्षीया सुशीलादेवी यादवलाई बोक्सीको आरोप लगाउने सोही ठाउँका ५५ वर्षीय जनक यादव, ५० वर्षीय फनक भन्ने कनकलाल यादव र २१ वर्षीय दिनेश यादवविरूद्ध इलाका प्रहरी कार्यालय लहानमा चैत २० गते पीडित परिवारले उजुरी दिएका छन् । पीडितले आरोपितहरूले पटकपटक घरमा कोही बिरामी परेमा तथा भैंसीले दुध नदिएमा सुसिला बोक्सी हो भनी गालीगलौज तथा कुटपिट गर्ने गरेको बताइन् । चैत १८ गते पनि सोही आरोप लगाउँदै आरोपितहरूले सुशीलालाई कुटपिट गरेको पीडितका बावु महाबिर यादवले बताए । कुटाईबाट घाइते भएकी सुशीलाको उपचार लहानस्थित सप्तऋषी अस्पतालमा चैत १८ गते भएको छ । इलाका प्रहरी कार्यालय लहानका डिएसपी राजकुमार केसीले घटनाको अनुसन्धान गरी आवश्यक कारबाही गरिने बताए । दुर्गा परियार