१२ वर्षीया बालिकालाई बलात्कार गरेको ठहर गर्दै जिल्ला अदालतले चैत २४ गते सतवरिया-८ तेलियाका १८ वर्षीय नेत्रबहादुर कुमाललाई आठ वर्ष र लमही नपा-१० देउपुरका २३ वर्षीय भुपाल घर्ती मगरलाई चार वर्षको कैद सजायको फैसला गरेको छ । जिल्ला न्यायाधीश कोमलप्रसाद आचार्यको इजलासले कुमाललाई बलात्कार गरेको ठहरसहित आठ वर्ष र मगरलाई बलात्कार गर्न कोमललाई सहयोग गरेको ठहर गर्दै चार वर्षकैद सजायको फैसला गरेको जिल्ला अदालतका श्रेस्तेदार गम्भीर रानाले जानकारी दिए । ०७२ वैशाख २० गते बालिकालाई भालुवाङको एक होटलमा बलात्कार गरेको आरोपमा प्रहरीले गिरफ्तार गरी मुद्दा चलाएको थियो ।