१५ वर्षीया बालिकालाई बलात्कार प्रयास गरेको ठहर गर्दै जिल्ला अदालतले वैशाख ७ गते बाकामलाङ् गाविस-७ का २७ वर्षीय गिरमान दर्लामीलाई तीन वर्षकैद सजायको फैसला सुनाएको छ । जिल्ला न्यायाधीश डिल्लीरमण तिवारीको इजलासले दर्लामीलाई बलात्कार प्रयासको ठहर गर्दै उक्त फैसला सुनाएको हो । दर्लामीले ०७२ असोज १४ गते बालिकालाई बलात्कार प्रयास गरेको भन्दै असोज १४ गते नै पीडित परिवारले जिल्ला प्रहरी कार्यालयमा उजुरी दिएका थिए । बालिकाको जिल्ला अस्पतालमा असोज १४ गते स्वास्थ्य परीक्षण गरिएको थियो ।