१० वर्षीया बालिकालाई बलात्कार गरेको आरोपमा १४ वर्षीय एक बालकलाई जिल्ला अदालतले वैशाख ९ गते बालसुधार गृह पठाउने आदेश गरेको छ । सप्तरी जिल्ला अदालतले आरोपित बालकलाई बालसुधार गृह पठाउने आदेश गरेको स्रेस्तेदार नरेन्द्रकुमार श्रेष्ठले जानकारी दिए । ०७२ चैत ८ गते बलात्कार गरेको भन्दै पीडित पक्षले आरोपितविरुद्ध जिल्ला प्रहरी कार्यालयमा चैत ९ गते उजुरी दिएका थिए । आरोपितलाई प्रहरी चौकी झुटकीले चैत १२ गते गिरफ्तार गरेको थियो । पीडितको राजविराजस्थित गनासिं सगरमाथा अञ्चल अस्पतालमा औषधि उपचारका साथै ०७२ चैत ९ गते स्वास्थ्य परीक्षण भएको थियो ।