त्रिपुरासुन्दरी नगरपालिकाकी कार्यालय सहयोगी त्रिपुरासुन्दरी नपा –१ की ३९ वर्षीया धनकन्नी सार्कीलाई जातीय विभेद गरेको आरोपमा शाही होटलकी सञ्चालक ३५ वर्षीया विष्णुमाया शाहीलाई साउन ३२ गते प्रहरीले गिरफ्तार गरेको छ ।

आरोपित शाही विरूद्ध पीडितले साउन ३१ गते प्रहरी चौकी त्रिपुराकोटमा दिएको उजुरीको आधारमा आरोपितलाई गिरफ्तार गरिएको त्रिपुराकोट चौकीका सइ इन्द्रबहादुर राइले इन्सेक प्रतिनिधिलाई बताउनुभयो ।

नगरपालिका कार्यालयको गेटनजिकै रहेको होटलमा साउन ३१ गते आरोपित शाहीले भान्सा छोइन्छ अलि पर वस भनेर सार्वजनिक स्थलमा अपहेलना गर्नुका साथै जातीय विभेद हुने व्यवहार गरेको पीडितले इन्सेक प्रतिनिधिलाई बताउनुभयो ।

विष्णुुप्रसाद देवकोटा