त्रिपुराकोट गाविस-१ का नेपाली काङ्ग्रेसको भातृ सङ्गठन नेपाल दलित सङ्घका केन्द्रीय सदस्य ४२ वर्षीय राजीमान सार्की ०७१ माघ १४ गते राती ११ बजे अज्ञात समूहको आक्रमणमा परी घाइते भएका छन् । त्रिपुराकोटस्थित कोटबजारबाट घरतर्फजाँदै गर्दा मुख छोपेका तीन/चार जनाको सङ्ख्यामा रहेको एक समूहले हाम्रो पार्टी विरुद्ध बोल्ने यही हो समयमै ठीक गर्नुपर्छ भन्दै पछाडिबाट लठ्ठी र ढुङ्गाले हिर्काउँदा टाउको र निधारमा गहिरो चोट लागेको पीडित परिवारले जानकारी गराए । घाइते राजीमान सार्कीको त्रिपुराकोटस्थित त्रिपुरा मेडिकलमा उपचार भइरहेको र आक्रमणकारीको खोजी भइरहेको त्रिपुराकोट इलाका प्रहरी इन्चार्ज रोमहर्ष सिजवालले बताए । विष्णुप्रसाद देवकोटा