चन्दननाथ नपा -१५ की ३० वर्षीया काली कामीले जातीय विभेद गरेको आरोपमा चन्दननाथ नपा -६ का होटल व्यावसायी ३६ वर्षीया रामछाया रोकायाविरुद्ध जिल्ला प्रहरी कार्यालय जुम्लामा चैत १२ गते उजुरी दिएकी छन् । चैत ११ गते बिनाकारण दलित भनेर होच्याएको, तैले छोएको पानी हामीलाई चल्दैन, होटल भित्र नआईज भन्दै कपाल लुछेर कुटपिट गरेर र्सार्वजनिक स्थलमा बेइज्जती गरेको पीडितले उजुरीमा उल्लेख गरेकी छन् । घटनाका आरोपितलाई गिरफ्तार गर्न प्रहरी खटाइएको र आवश्यक अनुसन्धान गरी कारबाही गर्ने प्रहरी इन्स्पेक्टर प्रेमबहादुर खड्काले बताए । मानदत्त रावल